【紅都有代價】專心拍劇狂推Job 李佳芯唔敢問經理人損失幾多

蘋果日報 2018/03/26 18:34

李佳芯Ali
    李佳芯（Ali）最近忙緊拍新劇《白色強人》，今日抽空到銅鑼灣出席某品牌時裝展。
    李佳芯雖然着通花喱士短裙現身，但裏面打晒底好鬼密實，講到呢排好似少咗出嚟同大家見面，Ali話：「呢排要拍劇，少咗出嚟同大家見面，自己都想用多啲方法向劇組度期，最近因為拍完自己嘅主戲，可以偷到時間出嚟。」
    李佳芯坦言為咗專心拍劇，推咗唔少外快，不過冇辦法，自己都會以拍劇行先，相輔相成：「損失幾多唔敢問經理人，知道咗又會唔開心！」另問到會唔會上網買衫？Ali話：「其實自己近年都少行街買衫，多數都係上網買，試過幾個月冇買衫冇使錢㖭，但有時困住自己拍劇太耐，工作完之後去買嘢，最顛峰時用近6位數字買衫。」
    精選娛聞，喺晒《娛果》
    http://fb.com/appledailyent
    empty
    李佳芯（Ali）今日抽空到銅鑼灣出席某品牌時裝展。
    empty
    李佳芯雖然着通花喱士短裙現身，但裏面打晒底好鬼密實。
    empty
    李佳芯坦言為咗專心拍劇，推咗唔少外快，不過冇辦法，自己都會以拍劇行先。