當年今日

【林建岳嫁女】自澳門返港送泥碼? 四太更正:係籌碼

蘋果日報 2014/05/18 06:00

四太林建岳泥碼

林建岳同何柱國對親家,今日於君悅酒店舉行盛大婚宴,羅康瑞、朱玲玲、馬清偉同女友Winnie、何超鳳、何超蕸、等都有出席,邱淑貞更係今日下午出席完上山詩鈉火鍋開幕活動,之後即趕來。

賭王四太梁安琪亦有到賀,佢話:「祝一對新人開開心心,早生貴子,呢個最重要。」問佢何生想唔想出席呢?四太就話:「你哋都知0架啦,何生佢個個想去。」

四太又話剛自澳門返港,問佢送乜嘢賀禮畀一對新人?四太笑言:「我啱啱由澳門返嚟,你話送乜咩最易搞?記者話係泥碼,四太即更正:「係籌碼。」