被指「官商鄉黑」勾結的橫洲發展計劃，踏入收地尾聲。地政總署今日（20日）再派員到橫洲永寧村、楊屋新村和鳳池村勸喻村民離開。有地政人員疑誤會村民邀請記者到場採訪，指村民沒有知會他們；有土拓署人員表明，未來兩個月將在橫洲進行除草除樹及鑽探工程。

至今仍有約7戶村民留守橫洲三村。其中鳳池村村民歐陽太太今午在其家的鐵閘掛上多幅橫額，寫上「扎根橫洲」、「未獲安置 決不搬離」、「橫洲黑幕 證據確鑿」；永寧村則有人掛上梁振英和林鄭月娥的「鬼魂」道具及抗議政府的橫額。

約7名地政人員下午近3時進入永寧村，村內仍有至少兩戶未搬走。地政人員進入村民楊先生的家問他可否今個月內搬離，惟遭楊「笑笑口」反問：「啲嘢都係我嘅，地係私人嘅，政府強搶、force我走。你喺度講乜X嘢啫？」

另一隊地政處及土拓署6名人員則下午3時許，抵達鳳池村村民歐陽夫婦的家。地政處署理高級地政主任黃健文甫入屋已向村民表明：「我話畀你聽、我再講多次畀你聽，工程嘅嘢係CEDD（土拓署）負責，你唔可以撈埋幾個部門一齊講，我同你講清楚先！」歐陽太反駁：「我淨係知你哋叫政府！」

黃健文之後疑不滿歐陽夫婦容許記者入屋採訪，「好老實講，你哋請咁多記者嚟之前，都從來冇知會過我哋一聲，咁多次都冇！」歐陽太反駁只是今次才有記者；歐陽先生則問，「係咪有記者都要知會你？」在場等候的記者亦非由歐陽夫婦邀請來採訪。惟黃健文續指，「其實次次都有講，傾賠償牽涉私人嘢唔方便畀人錄影。我唔係屈你。」

在場協助村民的元朗區議員區國權說，有記者能夠清楚記錄情況。黃健文即大聲說：「阿區議員，如果你想同我哋傾嘅話我哋歡迎，但係唔係咁樣㗎，唔係你鍾意就插入嚟傾話代表佢哋（村民），即係我哋好難做呀」。黃又稱「唔係上到嚟想同你鬧交」。

區國權多次質問黃是否來發脾氣，黃表示，「我哋冇人發脾氣。因為一嚟到個氣氛就話咗畀政府（人員）聽，叫我哋『唔好走啊』，你哋有問題」。

雙方爭辯一論後，由土拓署人員向歐陽夫婦講解三村一帶土地收地狀況，表明未來兩個月將進行鑽探和除草除樹工作，「我哋會繼續做嘢，唔會再等，你都唔可以阻住我。」歐陽夫婦不滿部門未有通知就在其家周邊開始工程，噪音和灰塵影響，又指工人拒絕出示證件和回答是否政府部門。

歐陽先生認為，他們一家未與地政處就賠償問題達成共識，村民仍需生活，「唔係想阻工程，但不想工程阻礙生活」。歐陽先生要求土拓署先圍板；人員則指，圍板需考慮安全問題，建議先圍帆布，「之後再睇吓有冇嘢做到」。人員及後轉向另一鳳池村村民陳紹興的家，繼續商討安置安排。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專