【本報訊】現役警員疑因有外遇，遭女友提分手，他心有不甘欲箍煲，先後向女方發送WhatsApp訊息及在女方Instagram留言，揚言在她住所放火殺死她父母，令她可享受「自己一個」的自由和快樂，又稱自己「爛命一條，最多坐十幾碌」。男警被捕後向同袍自認情緒不穩，及後被控一項刑事恐嚇罪。控方原數度堅持拒絕讓他簽保守行為了事，惟至案件昨開審前改口答允，警員獲法庭准許自簽2,000元守行為兩年，不留案底。

偷食被揭　不甘分手

被告許劍霆（22歲，圖）昨抵沙田法院時，用雨傘頂撞傳媒相機鏡頭，揚言：「睇你點影？」他在庭上否認去年10月16日至17日威脅一名女子，稱會使其父母人身安全受損。案情指他與女事主讀中學時相識，兩人其時均13歲，二人畢業後各走各路，至去年6月女方追蹤被告的Instagram，兩人同月開始拍拖。

三個月後女方發現被告有第三者，提出分手，被告翌月要求復合時作連串恐嚇犯下本案。事主報警後，被告向警方承認自己情緒不穩定，接受不到分手，認為訊息能令女友懼怕。

案情披露有關恐嚇訊息包括：「我可能會失控殺×晒你屋企人，殺×埋你同我自己，然後我嘅怨氣去到邊都會喺後面跟住你哋」；「你冇得走，你係我嘅人我嘅嘢」；「一係你報警收我皮，唔係我一定搞你同你屋企人」；「你想幸福呀？好呀。我要你永遠生活喺黑暗中，痛苦一世，永永遠遠冇咗你父母」；「我殺完你屋企人我會自首，我會畀個驚喜你」等。控方堅持將部份訊息內容原文附載於案情內，以反映案情嚴重性，辯方最初不肯，經商討後終同意有關做法。
案件編號：STCC1816/19
■記者伍嘉豪