特首林鄭月娥上周二（20日）聲稱想平息反修例爭議，但政府舉動卻與之背道而馳，公民黨立法會議員郭家麒批評前日和昨日，港府將一般巿民使用的公共交通工具突然停駛，令社會一片混亂，一國兩制蕩然無存，「只要《人民日報》寫個字，特區政府就即刻跪低」，斥警方亦在無需要下出動水炮車和開槍，「呢個就係林鄭嘅回應，簡直係令所有香港人憤怒！」

郭家麒又指，林鄭在香港100萬人上街反送中後至今79日，仍拒絕回應五大訴求，「佢（林鄭）係咪想香港拖到冧咗、死咗，先至肯收手？佢再咁搞落去，香港好難再翻身」。他又指，近日有一段網上片段拍到，林鄭口中的「暴徒」進入沙田新城巿廣場時，受到大批巿民拍掌歡呼，「點解林鄭所講嘅暴徒，喺香港最受歡迎？我請林鄭返去諗一諗，請警察返去諗一諗」，呼籲林鄭不要再以「玉石俱焚」的手法治港，「妳（林鄭）死唔緊要，但妳唔好累死香港人！」，同時指8.18上街的人數和民意，清楚反映大部份香港人至今都沒有與年輕抗爭者割席，「同香港人割席嘅係林鄭」。

民主黨尹兆堅亦批評港鐵在無合理原因下，突然封閉港鐵路線，做法絕不合理，令巿民出席合法遊行亦遭到拒載，「港鐵今日到底係一個運輸機構，定係一個政權打壓巿民自由嘅機構？」。他指近日一直聯絡港鐵要求交代，但港鐵至今「無修正、無回應，領導層置若罔聞」，斥港鐵「不知所謂」。

他又批評昨日的荃灣發生的是警方「自編、自導、自演嘅衝突戲」，指昨日遊行本來秩序好良好，但遊行人士未行到海濱，警察已於楊屋道封路，令該處除港鐵停駛外，連附近巴士都不能進入西鐵站，遊行人士到終點時想離開，亦無交通工具可用。他質疑警方有關做法是想製造困獸鬥，從而製造衝突場面。他又指，昨日曾與現場負責警官理論，但對方一直拒作回應，並指責有示威者封路，「呢個明顯係擾亂視聽，條路係警察封嘅，唔係示威者封嘅，當時條路係無路障，係及後隔咗長時間，警方都唔肯作任何指示同工作，示威者先搬路障嚟，嗰度係隔咗大半個鐘頭」，批評警方似乎無意履行保障公眾安全的職務，並透過製造混亂合理化鎮壓行為。

他並稱有示威者昨見到有警員在警車內換黑衫扮示威者，要求警方交代昨有多少人滲透示威行動，有否違法行為。他個人昨日亦目睹前線示威有不尋常狀況，包括身上有作貼紙識認，至少兩名高大示威者在全程無與其他前線示威者進行接觸交流下，就率先推水馬封路，完成後即時離開現場，「呢啲係乜嘢人呢？我覺得警方係需要交代昨日換黑衫嘅警員，究竟有幾多人去做佢哋嘅角色扮演，我哋口中嘅滲透？」

工黨議員張超雄則指，按他了解的警方指引，任何16歲以下的人士一旦被捕和受盤問時，都應有一個合適的成人在場，包括社工在內，但警員昨日不但拒絕社工有關要求，更出言侮辱社工，「（警方）呢個做法係失去常性」。民主派議員區諾軒則呼籲政府一日未能釋除社會疑慮下，一日都不應重新裝上任何智能燈柱，否則相信只會再被示威者拆除。

-----------------------------

日期：8月31日（星期六）
時間：下午2時30分集結，3時起步
地點：中環遮打花園遊行至中聯辦
註︰不反對通知書申請中

主辦︰民間人權陣線
-----------------------------
【每周送10萬】
升級壹會員獨家尊享，立即參加10萬火急大抽獎 !

*推廣生意的競賽牌照號碼：52302-9