日本天王木村拓哉雖然做咗星爸，但佢反而更加積極發展大中華市場，本月初到台灣出席時尚活動時，與舊拍檔林志玲再合體站台，

昨日，木村以代言人身份出席上海舉行嘅手錶品牌發佈會，佢先以一身型look現身受訪，之後再換上西裝示人，今次木村還特別開設個人微博帳號，昨晚更即場拍片晒普通話打招呼，叫大家關注佢，最後仲chok住擺甫講：「謝謝！」經過一個晚上，木村微博嘅粉絲追隨人數已勁升10萬，中午已有28萬粉絲。

另外，木村為其網上節目到橫濱中華街取景，佢亦試飲台灣凍頂烏龍茶，令木村話即刻諗起林志玲在電影《赤壁》中嘅演出。

精選娛聞，喺晒《娛果》
http://fb.com/appledailyent