闊別銀幕五年、息影當全職媽媽的林嘉欣最近正式復出拍戲，夥拍出道時合作過的張學友拍攝電影《暗色天堂》，今次再合作實在駕輕就熟。嘉欣話：「十幾年前拍《男人四十》就係師生戀，今次我哋嘅角色係同事又係教友，有少少曖昧咁樣，但係我哋想保持電影嘅神秘感，所以都未知會發展成點呢，但係同佢合作係會好放心，一來一回會好合拍。」

今次電影更由嘉欣老公袁劍偉執導，對於跟丈夫一起共事不怕易生磨擦？嘉欣信心十足表現專業：「佢係我先生亦係我最好嘅朋友，我好清晰要一齊合作，佢就係導演，喺拍攝現場我係演員而唔係太太。我係要成日變身㗎，一時係媽咪、一時係太太、一時係演員。有時喺屋企都會傾到拍攝工作，但係由寫劇本、搵資金到搵演員、到開鏡成個過程我哋都好興奮好投入，目前都冇嗌交。」

更多時尚新聞，即上： http://add.appledaily.com