苗柏逐漸迫近香港，成為今年首個風球。打工仔最關心嘅，當然係呢個風可唔可以戰勝「李氏力場」，聽日可以有個驚喜的假期。苗柏嘅威力竟然真係可以令到「李氏力場」都跪低？講緊嘅係由李嘉誠捐錢興建嘅慈山寺，寺廟入面嘅佛法心靈輔導中心今日喺facebook通報，因為天文台宣佈咗今晚6點左右改發8號颱風訊號，所以今晚嘅慈心禪精進班會取消，連「李氏力場」都擋唔住苗柏，失咗效喎。