當年今日

Q版公仔 颳收藏風

蘋果日報 2002/11/02 00:00


球星Q版公仔,一向是美國NBA同大聯盟職棒專利,不過近期Q版公仔之風已吹向足球界,英超、意甲等聯賽紛紛推出Q版公仔,像真度十足,極具收藏價值。
英超聯係香港最受歡迎聯賽,球星公仔當然亦最受歡迎,今季多支英超球隊,好似阿仙奴、曼聯、愛華頓等都轉了新球衣或新贊助,球星公仔當然亦跟到足啦。

阿仙奴限量冠軍版
阿仙奴上季包辦英超聯和足總盃冠軍,球會特別推出這套十二位功臣球星公仔,包括已退休的隊長阿當斯、神射手亨利、英格蘭足球先生皮利斯等,全球限量發行2002套,兵工廠擁躉絕對不能錯過。

AC米蘭經典系列3吋球星公仔
在九十年代叱咤風雲的意大利班霸AC米蘭,囊括多屆意甲和歐冠盃冠軍,陣中粒粒巨星,雖然現在這批功臣幾乎四散,但總可緬懷一吓昔日光輝歲月。

國際球星公仔連朱古力
呢款國際球星公仔連朱古力,好似小朋友鍾意食嘅「XX出奇蛋」,有得食有得玩,盒內有朱古力蛋同一款公仔,共有二十七款身穿國家隊波衫嘅球星公仔如朗拿度、巴迪斯圖達等,抽唔抽得中你嘅偶像,就要考吓運氣嘞。

J-league球星公仔連糖
日本球星一向係香港都有好多擁躉,呢款J-league球星公仔連糖,都係有得食有得玩,有幾粒足球形狀嘅糖外,重有一隻身穿J-league波衫嘅日本國腳三吋公仔,其中最受歡迎一定係已經出國效力嘅中村俊輔同鈴木隆行。
售賣點:A:352大本營 B:球迷世界