元朗壽富街附近昨日發生女子爬抽氣扇槽驚險事件！一名年約30歲女子，昨傍晚約6時，被街坊發現由一幢4層樓高的唐樓外牆，沿水渠爬下，夾在一樓的抽氣扇槽旁不上不落，雙腳吊吊揈驚險萬分。街坊嚇得呱呱大叫高呼：「小心、小心」。此時數名男女警員趕至，男警在地下托着女子雙腳，慢慢協助她跳落地面，街坊不禁驚呼：「好危險，跌落嚟腳都斷！」

讀者鍾先生事發時行經上址，見大班途人圍觀，走上前已見女子差不多爬到落地，「附近好多企街，我唔知係咪掃黃，我估咋，佢差唔多到地面，警察已趕到接住佢落地。」當女子安全「着陸」後，女警即時向她查問。鍾先生指當時女事主在一樓簷篷，「佢冇落腳點，又未到地，跌落嚟可能斷骨。」鍾先生估計，若真是掃黃，女事主爬水渠的風險太大。「駛唔駛咁搏，佢俾人捉，同有機會跌死，風險差好遠！」而附近報檔老闆亦稱:「個女人未爬牆時已經好多差人，佢一爬落嚟差人就帶走佢，一定冇證啦！」

事實上，昨晚元朗警區特別職務隊，聯同新界北總區快速應變部隊、元朗警區雜項調查隊及特遣隊人員進行連串的掃黃行動。警員突擊搜查元朗壽富街一大廈，共拘捕3名持護照的外籍男子、17名持護照的外籍女子及一名持雙程證的內地女子，年齡介乎21至43歲，涉嫌違反逗留條件。

免費訂閱《蘋果動新聞》，無懼霸權橫行！立即登記！
https://hk.adai.ly/bXz2v29BrV

《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV

你敢爆，我敢獎！ 立即WhatsApp《蘋果》24小時爆相爆片熱線 或致電：63836568