王敏德大女王曼喜(Kayla)同前DJ茜利妹日前喺灣仔，出席同志藝術展活動，Kayla更有份搞個人相展：「搵咗5對同志戀人做model，有男有女，拍攝佢地嘅『床照』。目的展示同志情侶日常生活最真實一面，譬如喺溫馨臥室，每晚結束時，我哋只希望同另一半一齊舒適入睡，而呢一刻與其他情侶並冇任何唔同，直定攣其實都渴望得到屋企(溫暖)嘅感覺。其中一對男同志情侶較印像深刻，佢哋真係當我唔存在，舉動超自在超日常！」

將會下個月開首次個人talk show嘅茜利妹就講：「第一次見到Kayla嘅攝影作品，好有feel呀！相片講故事。估唔到佢俾人影得多都好識影人！呢輯相好有我之前喺紐約睇相展嘅水準！好想請佢幫我Talk Show影一輯！」茜利妹都有以多媒體藝術家身份創作設計了裝置藝術品，作品藏有QR code，其中有一個故仔係揾咗龍小菌：「原來唔係佢戴頭套或除頭套一刻，係佢第一次出糧，買隻金介指俾媽咪！佢話諗番起好低B，其實超warm！」

Google Play 2018 年度最受歡迎應用程式，
請即點擊 http://bit.ly/2FCthz5 投《蘋果動新聞》一票

精選娛聞，喺晒《娛果》
http://fb.com/appledailyent