禮拜日田草賽事用B加2跑道，天文台預測會有雨及雷暴，若雨勢持續，或有可能在變化地上作賽。睇番最近4月6日B加2賽事正正就是在雨中作賽，雖然頭兩場由「大地王者」及「新界福星」後上贏，不過之後八場賽事，當中七匹頭馬入直路時已守於前五名位置，證明場地偏軟對擺前走之馬匹會較有利。
今戰列陣馬中，八場「駿馬名駒」及十場「萬事盛」均曾於4月6日田B加2欄賽事贏馬，場地性能唔使懷疑，值得優先留意。此外，尾場「華麗登場」兩次跑田B加2欄名次非冠即亞，搶出賺形勢可放到。