由河正宇、朱智勛等人主演嘅韓國賣座電影《與神同行》，下集《與神同行：終極審判》將於港韓同步上映，8月1日起喺香港有優先場，9日正式上映。

《與神同行》下集日前公開首段預告片，當戲迷以為今集會係最後一集《與神同行》後，韓國方面就傳來消息，指《與神同行》有望將製作第三至四部，而第三及第四部同樣由金容華導演所執導，亦會同時製作及拍攝，希望於明年底開機，但演出陣容及故事係唔係延續頭兩集內容，一切就未確定。

消息傳出後，《與神同行》製作方今日回應：「目前係希望大過計劃，具體開拍詳情仲未落實，而內容方面都有好多可能性，例如係前傳或衍生作品等。」

更多韓流，喺晒《娛果》
http://fb.com/appledailyent