當年今日
關於我們

【短片】靚靚辣媽又報「喜」

蘋果日報 2014/01/21 06:00

辣得喜吳少庭吳創木

開餐廳嘅馬主吳少庭,佢就人生美滿喇,事業得意又有個靚靚老婆,唔使愁揀A餐定B餐。
嚟緊禮拜日佢隻「辣得醒」將會上陣,爭取四連捷,到時又有機會同太太,即係靚靚辣媽一齊拉頭馬。不過拉頭馬嘅願望,唔一定要等到禮拜日,喺今次禮拜三晚快活谷賽事,吳少庭爸爸吳創木嘅「辣得喜」,就會喺頭場上陣,角逐最擅長嘅谷草1000米,「辣得喜」唔知係黐咗「辣得醒」嘅旺氣,呢匹久沉馬呢輪有復甦迹象喎,上次跑沙田直路賽,就拼入一席第二。今次跑番谷草首本路程,檔位唔差,而且比對上一次贏馬時,已減咗27分咁多,機會梗係突出喇。
呢排網民係咁拗Eason應該揀A餐定B餐,對吳創木父子嚟講,佢哋梗係想周三贏到周日,食個大辣餐。