當年今日
關於我們

【短片】【傳媒良心】高志森暗責學生暴力壞法紀 TVB記者呼籲勿睇無綫新聞

蘋果日報 2014/09/27 06:00

蘋果高志森即時馮寶寶852郵報前線記者TVB記者愛國森

企喺前線記者見盡事實嘅真相,好多記者有傳媒良心,今日FB專頁《852郵報》報道,有一位TVB記者喺facebook(fb)呼籲大家,想知關於政總嘅新聞,要留意無綫新聞以外的媒體,叫大家繼續支持前線記者,呢位記者為咗公義,冒住隨時「被解僱」嘅危機,勇敢發聲,得到好多網民力撐,仲留言叫該報道索性將截圖用黑格,保障呢位記者嘅身份。

撞都冇咁橋,「愛國森」高志森今日喺fb轉發TVB新聞一篇關於《多個政黨強烈譴責學生暴力行為》嘅報道,仲有另一篇RTHK新聞《警方譴責破壞法紀行為》,借兩篇同一個立場嘅報道,暗示自己嘅睇法。

查實早前愛國森都喺fb幫「香港的女兒」馮寶寶出po反佔中,當時有網民留言:「夠薑就佔領天安門」,愛國森都有回應:「佔領中南海都算」(新聞連結: http://bit.ly/1rqsPmK ),早就暗示自己反佔中。今次連貼兩篇譴責學生嘅報道,其個人取向如何,早已呼之欲出。