【今日罷韓】高雄人今決韓國瑜「生死」 港人踢走吹水王：香港無罷免，珍惜台灣投票權
蘋果日報 2020/06/06 00:00
台灣國民黨移民台灣韓國瑜罷韓
台灣地方自治史上首宗直轄市長罷免案，將於今日在高雄市投票。市長韓國瑜就任16個月以來，最後的命運即將揭盅。成功罷免門檻為57萬4,996人。除了高雄人，當中更有不少移民當地的香港人，《蘋果》訪問了3個移民高雄的港人，各人投票意向並非一面倒，有港人直批韓國瑜當日未有做好市政工作，北上參選總統，那就「let him go」（由他走吧）；亦有移民逾30年的港人提出，如投票的話，會反對罷免，以免浪費公眾資源，他會給予更多時間和機會予韓，「真係做唔好，下次先唔投佢」。
Ellen於2018年11月移民到台灣，當年九合一選舉中，她雖尚未有投票資格，惟收看競選論壇時，對韓國瑜的「高雄發大財」留下「吹水多，好唔實質」的印象。但當選後，韓承諾的市政都未有做好便北上選總統，更讓Ellen決定罷韓。
Ellen指，到今年台灣總統選舉，她仍未有資格投票，今次罷韓，成為她在台灣的第一張票：「佢由選民選出嚟，賦予佢權力，就應向選民負責，依家既然有人動議，即係有人認為佢做唔到市長職責，有呢個機制係好事，咁先令當選者會向市民負責。」她移民台灣後，令她擁有在港無法享有對當權者的罷免權，Ellen直言非常珍惜這權利：「香港人有權選立法會、區議會，但立法會有功能組別，根本係傾斜嘅選舉，亦唔算係一個公平選舉。不過我知道台灣人係爭取咗好耐先有，但我希望我自己可以盡公民責任行使呢個權利。」
而移民台灣近3年的Joe表示，看到韓國瑜當選後不久，便專注做總統選舉工程，根本未有做市政工作，故他今天都會投罷韓一票。Joe更指，目前高雄發展向好，但並非韓的政績：「雖然南部是佢哋（民進黨）根據地，但過去政策重北輕南，後來韓國瑜贏咗，先激發民進黨反思自己唔係贏梗，佢哋反而投放好多資源落去發展高雄，吸引外商……韓國瑜做市長半年就走去選總統，佢有時間做市政咩？咁大家let him go（由他走）囉。」
Joe坦言，不僅珍惜在台灣的投票權，連靠依親途徑到台灣的7旬母親亦同樣珍惜，「佢差5日先有資格投票，佢都覺得好可惜。」
雖然外界認為今次罷韓為大多數人意願，惟移民台灣逾30年的羅先生則持相反意見，他稱不介意哪個政黨主政高雄，只希望有穩定的環境生活。2018年，羅先生投了韓國瑜一票，即使外界狠批韓的政績，但羅仍覺得韓並非一無是處：「市政府團隊都有做嘢，例如馬路鋪得不俗，水浸無以前咁嚴重，大雨時，佢（韓國瑜）都有落區……佢都係做咗一年多啲時間，又可以做到乜吖？」至於當日出走高雄選總統，羅先生則認為韓「可能急咗啲或者佢俾人捧上去啫」。他認為，即使罷韓成功，政府仍要浪費資源去重選。
羅先生指，由於今日要工作，相信不會去投票。但假如去投票，自己仍會反對罷免，繼續支持韓：「畀佢做埋其餘時間，做得唔好，下次先唔投佢囉。」
