大阪飛腳今季重返日聯後表現令人失望，周二於主場對另一升班馬德島漩渦，定必踢爭氣波，就捧他們贏波贏盤開[-1]「主勝」。（球賽編號：星期二18；有線61及201台今日6:00pm直播）
飛腳以日乙冠軍身份重返日聯，惟表現差強人意，開「咧」至今於11場聯賽只取得2勝3和6負，而且只入9球。射手宇佐美貴史季前重創為他們成績差的主因，但隨着他傷癒復出連續3場後備登場，周二或正選登場夥拍連斯利馬攻堅，再配合今野泰幸、倉田秋及遠藤保仁等好手，陣容頗完整，夠贏漩渦。漩渦頭11場聯賽輸10場兼失29球，反映未夠班打日聯，加上近兩次鬥飛腳全輸兼失了7球，難望爆冷，一於捧飛腳[-1]「主勝」。

勝利船平手可發維

同日另一支阪神球隊神戶勝利船將訪仙台維加泰（球賽編號：星期二2；有線61及201台今日12:00pm直播），勝利船今季引入馬昆奴斯及柏度祖尼亞後表現好兼鋒力大增，聯賽5勝5和1負並轟入21球，故作客表現大跌watt的維加泰，平手當然要捧。
另外，榜首球隊浦和紅鑽則會在國立競技場鬥甲府風林（球賽編號：星期二13；有線64及203台今日3:00pm直播）。紅鑽有阿部勇樹、原口元氣及李忠成等好手壓陣，實力強勁，而且開季表現好，11場聯賽7勝1和3負，穩贏近7場比賽5輸的風林，讓半/一照捧上盤。
文：青蛙仔