每年冬天都會有大量斑蝶南下香港過冬，深水灣、小冷水、城門等地過往都是斑蝶常見的越冬地點，然而近年越冬斑蝶數目有下降趨勢，環保協進會鳳園蝴蝶保育區（鳳園）最近首次發現大欖郊野公園有過千斑蝶聚集，成為新的越冬地點，鳳園表示日後會對該處持續進行有關監察。

鳳園自2011年起一直有進行「華南地區香港越冬斑蝶標放普查研究」，以了解越冬斑蝶的飛行路線及聚集情況，過往斑蝶在香港的越冬地點主要是深水灣、小冷水、城門等地，而小冷水更曾錄得有過萬隻越冬斑蝶的紀錄，惟近年均錄得下降趨勢。鳳園於本月5日在大欖郊野公園發現有約1,100隻斑蝶聚集，為首次發現的新地點。

環保協進會總幹事邱榮光表示，過往大欖郊野公園未有確實發現過有斑蝶聚集過冬的紀錄，今年同期在該處發現斑蝶聚集的數目甚至比其他地方更多，「發現咗有過千蝴蝶喺新地點，對我哋嚟講都係興奮嘅消息，原來都仲有好多蝴蝶會喺香港過冬。」他指近年越冬斑蝶數目出現急劇下降，「曾經有過萬隻、滿天蝴蝶嘅日子喺近5年已經唔見，同全球暖化都好有關係。」

邱榮光續指，近年斑蝶數目下降或與天氣變化有密切關係，「如果原本嘅地方天氣好暖，就唔使聚埋一齊過冬，但如果佢哋唔嚟，會對成個生態系統帶嚟轉變，亦都影響生物多樣化。」邱指近年在過往越冬熱點小冷水已難以發現斑蝶聚集，今次發現新地點後，鳳園會將大欖郊野公園納入普查研究的重點調查地點，並持續進行有關監察，「每一年可以睇返呢啲越冬斑蝶會唔會繼續喺度過冬，定會遷徙去第二啲地方。」

今年各處越冬斑蝶錄得最高數量

大欖郊野公園︰約1,100隻
深水灣︰約800隻
西貢水浪窩︰約200隻
小冷水︰未見明顯聚集
*資料來源︰鳳園

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此