曾特首施政報告話明重點發展九龍東做中環以外第二個核心商業區，發展局當然要做嘢。噚日局長林鄭月娥主動邀約各大地產商重量級人馬食晏，吸引到新地（016）執董黃植榮、長實（001）執董趙國雄、合和（054）董事總經理胡文新、信置（083）聯席董事羅康平等出席。

咁嘅陣容，當然唔係普通飯局！林鄭喺席上介紹成個「啟動九龍東」計劃畀各大孖沙，但推地時間表呢啲咁敏感嘅消息，據聞就冇透露，費事俾人話益發展商。
大孖沙喺飯局收到幾多風，華華唔清楚，但就相當識做，講明會支持政府發展大計，留意吓九龍東有乜新項目去發展。