當年今日
關於我們

隔牆有耳:湯家驊街頭賀壽 - 李八方

蘋果日報 2008/08/29 00:00


男人老狗過生日,通常都係靜靜哋就算,公民黨一班選舉兵團唔想佢哋支持嘅候選人生日過得咁平淡,適逢噚日係湯家驊58歲生日,成班人神神秘秘咁為湯大狀搞咗個生日會,十分驚喜。
助選團噚日吼住湯大狀一個人喺沙田第一城拉票時,派出曾國豐同曾健超拎住生日蛋糕、生日咭忽然出現,又即場唱生日歌,嚇親湯大狀,路過市民都嚇一跳,一群人喺街頭慶祝生日,場面都頗壯觀。
湯大狀話上屆選舉期間過生日,係同家人喺屋企過,今次選情危急,生日都要開工拉票,估唔到有意外驚喜,最大生日願望係同曾國豐攜手走入立法會。湯大狀向來眼淺,今次卻控制得好,冇感動到淚灑街頭。