韓媒《Dispatch》每年元旦都會踢爆一對星級戀人嘅戀情，先後公開Rain同金泰希、允兒同李昇基等，去年因政局混亂而冇踢爆戀情，今年就再接再厲公開星級戀情，今次對象更係韓國天團BIGBANG嘅29歲成員G-DRAGON（GD）同蘇志燮緋聞女友、女團After School嘅30歲前成員珠妍，兩人被拍得同遊濟州。

GD之前先後同日模水原希子及日本女星小松菜奈被拍到約會照，但GD慣例就係堅拒唔認，即使係有圖有真相下都無可奉告。

而早前《Dispatch》就拍得GD駕駛自己嘅勞斯萊斯名車到珠妍嘅屋企短聚，為避免影響約會，二人愛在家中拍拖，珠妍亦會揸車到GD嘅寓所。

兩人仲被拍到分別從珠妍家中出發到金浦機場前往濟州島，為避拍到同框、兩人就一先一後相隔兩小時先出發。到達濟州島後就到GD喺西歸浦嘅別墅約會，仲度過4日3夜。

同時喺去年11月30日，珠妍曾駕車到GD寓所外，當時GD經理人仲幫珠妍將車駛走，第二日妍珠妍就坐GD座駕離開。而根據報道指濟州旅行時GD經理人都有一齊同行。
 

事實上GD同珠妍嘅戀情有跡可尋，早於去年11月已傳兩人秘交1年，兩人更親密頭貼頭玩手機配音App「Kwai」，之後片段流出而傳出緋聞，當時珠妍方面強調兩人只是好友。不過之後網民就發現兩人嘅Instagram上載嘅照片，無論時間同背景都好似，估計兩人已秘交1年。

相關新聞連結：
疑IG洩密 傳GD暗撻珠妍1年
http://bit.ly/2Ep2LVb


更多韓流，喺晒《娛果》

http://fb.com/appledailyent

【minigame】2017瘋暈人物 返工打機唔使擇日

 http://bit.ly/2CeWQkP