連續兩場嘅「EXOFROM.EXOPLANET#1-THELOSTPLANETINHONGKONG」演唱會今晚喺亞洲博覽館舉行尾場演出，全場爆滿。

演唱會於夜晚7點準時開始，台上先播出EXO一眾成員嘅短片，播片已經令全場尖叫，其後連續兩首快歌，11位成員又唱又跳，令到氣氛更見高漲。

現場所見除咗場地保安外亦有唔少穿著西裝嘅保安，望實現場有冇人偷拍個演唱會過程。

演唱會期間又發生小插曲，成員D.O坐喺一個吊籃上面唱《你的世界》時，D.O嘅吊籃降落唔到舞台，誤降去FANS企位區到，而粉絲都有舉手幫忙托住嗰籃，好彩嗰籃都好快升返上去，最後D.O都安全降落，但就有兩個歌迷因此受傷，更送院診治。