韓劇《愛上Pinocchio》緋聞拍檔李鍾碩和朴信惠，佢哋去年拍完劇之後就傳出戲假情真緋聞，早前仲驚爆暗撻4個月，不過兩位當事人就否認戀情，只係話雙方係好朋友關係。

雖然唔少粉絲都希望佢哋由拍檔變情侶，不過當事人唔肯認就只好靠廣告商拉攏，早前服裝品牌MILLET就邀請咗佢哋拍攝廣告，日前佢哋就合體拍攝最新冬裝廣告，喺廣告中兩人亦有不少親密互動，李鍾碩仲好似輕吻朴信惠額頭0添，配上冬日嘅浪漫氣氛，真係sweet爆。而現場嘅工作人員就話：「佢哋喺現場十分敬業，佢哋嘅每個動作同表情都要求盡善盡美，希望還原喺真實嚴寒下嘅浪漫情景。」