當年今日
關於我們

新片露甲組腳再出浴
千嬅博做演技派乜都制

蘋果日報 2004/08/06 00:00


楊千嬅在新片中飾演中年婦人,以往多做大笑姑婆的她今次為了證明自己是一個真正演員,不僅摒棄喜劇形象,還穿着她認為暴露其甲組腳的短裙,又穿bratop拍出浴戲,可謂極大挑戰。
日前楊千嬅在尖沙嘴接受訪問,談到她在《餃子三更2之一》中飾演四十歲婦人,她不僅要揣摩中年婦人的心境,更要穿上短裙戲服,不過她深明這能助她演繹這個丈夫有外遇的婦人角色。

怕觀眾討厭自己
千嬅說:「呢部戲嘅造型係最重要嘅環節,幫我演繹到成件事,平時影相我的確唔鍾意着短裙,露出甲組腳,除非冇辦法先着,但做演員係冇得避。另外,有場戲講我浸浴,我只係着bratop落水,雖然鏡頭上只見膊頭,現場又有好多男工作人員,但我冇叫清場,我都好勁啦,平時絕對唔會咁做,你知我幾保守。」
千嬅勇於嘗試,只為向觀眾證明她可以成為一個演員,她說:「有時行街都聽到有人講我唔識做戲,亦有人懷疑我今次做唔做到個角色,但我說服到自己去演,放低『楊千嬅』呢個包袱,我想話畀大家知我係一個演員,不過𠵱家我擔心觀眾睇完會好憎我。」

四十歲爭買波鞋
不過千嬅強調仍會接拍愛情喜劇,因為這類故事能實現其愛情理想。問她有否想過其四十歲時的模樣,千嬅打趣說:「屆時仍會係紫色頭髮,着zipup外套,同後生仔爭買波鞋,又或者嫁個老公識唱歌,到時組隊組合翻唱人哋啲歌。」
採訪:馮美茵 攝影:仇志德
empty
千嬅自言保守,拍戲時穿bratop已經是極大挑戰。
empty
千嬅在《餃子三更2之一》中飾演丈夫有外遇的中年婦人,甚考演技。
劇照