德國噚日破衛冕咒，佢以2:1反勝瑞典，力撐德國隊嘅黃夏蕙一句「不容有失」，估中波膽。

林作日前撐英格蘭VS突尼西亞羸2:1，結果佢威水估中波膽。食髓知味，今晚8點，英格蘭VS巴拿馬，林作繼續力捧英格蘭，佢仲取笑巴拿馬係「弱雞」，所以英格蘭可以打得好輕鬆。基本英格蘭係大熱，黃夏蕙、八両金同俄仔Ansheles齊齊睇好英格蘭贏波。

2:1 黃夏蕙：英格蘭今年好有生氣，佢哋會2:1砌低巴拿馬。

5:1 八両金：英格蘭不嬲好勁，佢一定會贏，仲要大比數，5:1啦。

2:0 林作：英格蘭呢隊波，今屆難估，佢哋太多新血，以往成績佢哋開頭冇贏，我睇過消息佢哋有策略，今年要一開始就猛攻，巴拿馬弱雞，我估英格蘭會贏得好輕鬆，2:0。

3:1 俄仔Ansheles：英國人好早踢波，佢哋梗係好波，但巴拿馬都唔會就咁放棄，佢哋會入番一球。

一網睇盡 足動世盃 直擊俄國最前線 https://hk.feature.appledaily.com/worldcup2018/

【古靈精怪估波團】英格蘭為林作開齋 踩巴拿馬係「弱雞」

【古靈精怪估波團】英格蘭為林作開齋踩巴拿馬係「弱雞」