做人要有口齒，講得出就做得到。一個33歲嘅阿士東維拉球迷Samantha早前講過，如果艾邦拉荷喺佢代表維拉嘅第300場比賽，即係上星期對新特蘭嘅比賽中有波入，就會將呢位維拉忠臣個名紋上身。結果艾邦拉荷真係入波，仲要係梅開二度㖭！Samantha亦都唔似好多巴打咁走數，真係紋咗艾邦拉荷個名Gabby同埋佢個波衫號碼11喺身到，仲要加個紅色心心㖭。佢呢個行動仲為一個兒童醫療信託基金籌到超過500鎊（約5,800港元）㗎！