寶珮如和友人在尖沙嘴合資開設美甲店，今日獲一班好友楊玉梅、袁潔儀、林建明及前電波少女任港秀到賀，隱退娛圈多年的任港秀，早年已婚下嫁圈外丈夫，今日見她略有發福，並低調婉拒受訪︰「唔使啦，你哋問主角啦。」

老闆娘寶珮如今次獲老公支持，逆市冒險投資搞生意，連同手上戒指均是老公贈送生日禮物，一臉幸福，並說︰「我同老公講我老，想有自己事業，藝人好被動，老公叫我唔好三分鐘熱度，屋企都掛住堅持兩字嘅牌，現時香港巿道雖然唔好，但對香港有信心，唔怕冒險我幫大家修甲都得，希望向鄭明明呢個美容王國目標進發。」

寶珮如邀請了楊玉梅任代言人，楊玉梅笑言︰「未收錢，我哋講心唔講金，今日為咗好朋友犧牲色相，明明冇咩身材，都唧咗啲啲出嚟。」兩人並指有意仿效羅霖拍寫真，不一定性感，可以美態為主。

採訪︰卓寶花
攝影︰葉君海

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇