地產多聲道：迎奧運地鐵商場搞show
蘋果日報 2004/07/09 00:00
地鐵上市後積極𢱑銀，不斷搞活動促銷，幫租戶增加商機，等自己租金收入可以水漲船高。
最近又以「全城齊打氣」為主題，舉辦各種同啦啦隊有關嘅活動，配合即將開鑼嘅奧運，順便迎接○八年北京奧運。
地鐵陳嘉明話，商場會重新裝修，請嚟美日澳及內地著名啦啦隊表演，內地啦啦隊，更以中產美女組合作招徠。
地鐵咁積極，商場營業額因而有升冇跌。其他商場大業主見到呢個咁強嘅對手，大感頭痛。
玩具商愛租尖東
尖東一向係廠家集中地，玩具商係主角，屋之島李思博話，上半年玩具商嘅比例，買賣佔五成二，租務六成。
當中有唔少大手成交，好似南洋中心二座十樓萬呎，由本地玩具商承租，每呎十四蚊。租客原租同區新文華中心五千四呎，因唔夠用而搬遷。
另德國玩具商擴充，轉租華懋廣場十五樓三千二呎，呎租十四個半，租用面積就多千二呎。
最近又以「全城齊打氣」為主題，舉辦各種同啦啦隊有關嘅活動，配合即將開鑼嘅奧運，順便迎接○八年北京奧運。
地鐵陳嘉明話，商場會重新裝修，請嚟美日澳及內地著名啦啦隊表演，內地啦啦隊，更以中產美女組合作招徠。
地鐵咁積極，商場營業額因而有升冇跌。其他商場大業主見到呢個咁強嘅對手，大感頭痛。
尖東一向係廠家集中地，玩具商係主角，屋之島李思博話，上半年玩具商嘅比例，買賣佔五成二，租務六成。
當中有唔少大手成交，好似南洋中心二座十樓萬呎，由本地玩具商承租，每呎十四蚊。租客原租同區新文華中心五千四呎，因唔夠用而搬遷。
另德國玩具商擴充，轉租華懋廣場十五樓三千二呎，呎租十四個半，租用面積就多千二呎。
中原測量師行高級經理周文略分析，兩次賣地後，樓市未跟好消息向上，第二季成交及銀行估價查詢減少，顯示用家及投資者，暫未因賣地利好而入市。
佢話，是否可以理解，第一季樓市上升，係由大量投機熱錢流入所致；若果動力真係源於熱錢，咁下半年大市只會膠着。
美國大選過後，可能出現經濟泡沫爆破嘅暗湧，或會拖累本地樓市。
市道冇起色，發展商以優惠代替減價。新世界與恒基元朗綠庭園及蝶翠峰，剩番百多伙，中記與美記各送一年管理費，名額十個。發展商見代理誠意可嘉，就多送一年。以千呎單位計，兩年慳三萬五。選用一站式九成半按揭就送保費。
剩番百六伙嘅何文田君頤峰，中記送一年管理費。
新世界噚日為此連做兩場記招，中記好識做，送個棋盤畀啱啱升做副經理嘅李冠亮，寓意掌握盤（樓盤）局咁話（見圖三）。
專炒新界細價樓，有鬍鬚余之稱嘅炒家余耀鎏，剛賣出屯門市廣場單位，扣除翻新與雜費，兩個幾月賺十萬。
祥益張才權話，鬍鬚余四月以六十三萬買入八座高層四百二呎單位，之後用咗五六萬裝修，放盤只係兩個月左右，就以八十二萬沽出，呎價超過千九蚊，創出近期新高。聽講，鬍鬚余早排見個市咁靜，都停咗一輪，冇出貨又冇入貨。
新鴻基地產早輪由《Euromoney》評選為亞洲最佳地產公司，轉個頭，《FinanceAsia》又選佢為2004年亞洲最佳地產公司。
《FinanceAsia》向四百名亞洲證券分析員與基金經理進行調查，根據企業管理、公司管治能力、與投資界關係，以及派發股息承諾等方面，請佢哋選出區內最好嘅公司。
新地黃奕鑑代表接受獎項時話，「新地會繼續堅守以優質產品和服務取勝的策略、有效的權責機制、嚴謹的滙報與維持高透明度」。
講開新地，中環國金二期服務住宅FourSeasonsPlace年底招租，示範單位九月開放，搭建費過千萬。
蘭西
電郵地址：
南洋中心
李冠亮
（圖三）
（圖三）
新地一再當選為亞洲最佳地產公司，認真夠威，獎項由新地黃奕鑑（中）代表領取。