周杰倫早前在韓國拍攝新一輯百事廣告時惜肉如金，反而韓國人氣歌手Rain和古天樂則大方展示胸肌，他倆早於拍攝前的一個月就努力喼弗，更將皮膚曬得黑黑。原來Rain對金屬物料很敏感，當其經理人知道要在身上作金屬化裝時極力反對，但Rain十分喜歡這個造型，堅持一試。

型男飯局

拍攝廣告期間，Rain跟古仔頗投緣，他本想盡地主之誼，待工作完畢帶古仔等人品嚐地道韓國美食，但因時間緊迫而告吹。不過昨日古仔在電話中說：「我哋已經約好下次再有機會合作拍嘢時，一定會食番餐。今次喺韓國拍廣告，我知道要露胸肌，所以個幾月前就開始操弗自己，去到韓國之後，見到阿Rain，先發現原來佢都好高，加上佢平時跳慣舞，所以都幾大隻。」
韓國版的《英雄本色》有意安排Rain與古仔合作拍攝，記者問古仔有沒有與他談過合作拍片事情？他說：「冇呀，呢啲最好由電影公司安排，我同佢都係傾啲閒偈，好少講公事，不過阿Rain個人都幾nice，同佢合作幾開心。」
撰文：葉雪