由河智苑同李鎮旭主演嘅SBS新劇《愛你的時間》將於27日首播，繼早前公開嘅造型照同部份劇照後，劇組噚日亦公開兩位主演嘅預告海報。

公開嘅海報中，河智苑同李鎮旭手拎咖啡杯面對面坐，雙方都露出靦腆嘅微笑，當中李鎮旭更作狀要咀落河智苑嘅額頭上，氣氛甜蜜，亦似係預告新劇行溫馨路線。

劇組亦表示：「因為河智苑同李鎮旭嘅表情氛圍都好好，所以喺正式嘅官方海報公開之前率先公開預告海報。目前二人正沉浸於自己扮演嘅角色，努力進行拍攝中，希望大家能夠多多支持。」

另外，河智苑噚日亦於微博公開呢張海報，並留言：「《愛你的時間》海報#Thetimewewerenotinlove#sbs#drama6月27日晚10點（中國時間晚9點）請大家多多關注喔。」