【B哥大婚之是非湧現】劉嘉玲與周麗淇（Niki）昨晚現身灣仔會展的Moiselle時裝活動，提到嘉玲與梁朝偉（偉仔）雙雙缺席鍾鎮濤（阿B）與范姜在峇里的婚禮，她表示：「要做嘢去咗上海。」記者問偉仔在港，也不單獨赴會，她笑言：「我唔去，佢有啲驚青，我哋之前送咗禮。」問到是否避與偉仔傳緋聞的張曼玉同場，她表示：「點解要避佢，冇需要避佢，呢啲係你哋講。」嘉玲否認阿B為就他們改婚期，她「嘩」一聲表示：「唔係咁大件事，係有邀請，不過有嘢做，有少少遺憾。」對於有指阿B夫婦婚禮要賓客自費酒店，有份去的Niki表示：「大家係好close嘅朋友，唔使理幾多錢，全部都係范姜搞，都冇人搵我畀過錢。」

此外，阿B夫婦前晚二人與一眾星級賓客在峇里出外晚膳後，眾賓客昨陸續返港，當中在機場張曼玉就與邱淑貞沈嘉偉一家、梁家輝一家四口同行，而阿B的大仔嘉浚則負責照顧一對妹妹鍾懿及鍾幗，一對新人則未有現身，估計繼續多留幾天度蜜月。張曼玉身穿粉紅色V領上衣透出黑bra，不時與星二代有傾有講，亦不停逗沈嘉偉孻女沈晨玩。作為婚禮見證人的譚詠麟昨日回應對於有指阿B婚禮要賓客自費，他笑言：「有乜所謂，一齊參與嘅已經係自己人，阿B雖然已經重生，但佢仔細老婆嫩，做朋友唔會計較，最緊要分享歡樂。」
採訪：楊浩賢（峇里）、盧妹
攝影：畢紹基（峇里）、陳志嵐