陳國邦今日喺長沙灣出席「2015香港國際美食巡禮」發佈會，阿邦表示以前獨自生活嘅時候都有煮飯嘅習慣，但近10幾年就冇再煮，因為佢娶咗廚師做老婆，佢就係羅敏莊（Mimi）。

婚後會唔會一齊煮？阿邦話：「唔會，Mimi話廚房係佢勢力範圍，我最多都係企或者洗碗，其實佢真係好叻，識咗我先學煮嘢，佢除咗睇唔同國家飲食書之外，外母就係佢師父。」Mimi有冇計劃推出飲食書？阿邦表示之前有人曾經傾過。