35歲嘅ViuTV女藝人黃心美，前年年底同台灣老公Thomas離婚後，今日有周刊報道話佢工作關係，同29歲嘅師弟陳安立（Brian）、即係保釣烈士陳毓祥兒子秘密拍拖2個月，Brian仲被影到出入女方嘅香閨。（新聞連結： http://bit.ly/2sV42At ）

心美透過WhatsApp回應緋聞，強調嗰日只做完event，Brian去佢屋企睇間格，佢話：「因為佢（Brian）一直想買樓，又鍾意我嗰區，咁之後又去樓下地產睇吓有冇盤放，同埋順便指埋俾佢睇我屋企附近嘅兩幢住宅，順便放埋狗，因為有需要放狗。」

心美又話：「同Brian係朋友同埋同事，有睇過佢報道。我冇見過佢媽咪，唔識佢，我諗佢媽咪係睇電視識我，完全無見過家長，Brian亦全見過我嗲啲媽咪嘅。」

至於男主角Brian就身在台灣，佢否認拍拖，並以短訊回覆：「Scarlett（黃心美）當然是女神級，但我們關係只是好朋友和同事啦。剛巧經常一起拍節目和做司儀。那天只是一起工作完，陪她回去放狗。」