【新增動新聞】
利物浦上星期六作客畀曼城大炒5:0嘅英超賽事，沙迪奧文尼喺37分鐘已經因為踢中曼城守門員艾達臣摩拉斯而領紅被逐，及後文尼喺個人社交網頁出post向對方道歉。

文尼喺個人Instagram鋪咗張艾達臣接受完治療之後嘅相，留言話祝艾達臣盡快康復，仲話「我好抱歉，佢喺我哋喺球場上嘅意外碰撞中受咗傷，令佢唔可以完成呢場比賽，我為佢祈禱希望佢好快好番同埋再次比賽，因為佢一個質素嘅好高嘅球員。」