唔少NBA球星趁住放暑假都會舉行亞洲之旅，而勇士主帥卡爾（Steve Kerr）周五傳媒日中，就大爆自己都有留意「浪花兄弟」之一K湯遜（Klay Thompson）喺中國嘅趣事，仲話自己有得揀的話，都想變成China Klay㖭呀！

卡爾表示：「K湯遜只係想開心打波、同自己隻狗玩，佢唔係一個諸多要求嘅人。」K湯遜就話自己喺中國，完全唔記得咗有互聯網呢回事；不過提到下月去中國同木狼打季前賽，佢就話：「我嘅中文可能係全隊最好嘅，如果我嘅隊友需要翻譯，即管搵我！」