韓國綜合格鬥家兼曾出演多齣綜藝節目《叢林的法則》、《大逃出》等嘅36歲男藝人金東炫，今日正式做老襯，同年輕6歲嘅圈外女友結束10年戀愛長跑於今日拉埋天窗。

根據韓媒報道，金東炫今日將宴請600位賓客赴喜宴，婚禮將由藝人兪世潤做主持，圈中好友康男、GRAY同韓海會喺現場唱祝歌，而金東炫興奮話：「感謝這麼多親朋好友嘅祝賀，我們將幸福地生活。」金東炫今年曾喺綜藝節目上自爆婚訊，並透露同女友十年來離離合合多次，最終喺復合後決定結婚。

而今日婚禮宴請成600位嘉賓，唔少到時赴宴嘅嘉賓都開心share現場照片，好似男團SHINee嘅Key佢都有到場，佢仲上載現場照到Instagram，又大晒與惠利嘅合照。

另外，笑星韓明真亦於今日娶老婆。

精選韓流，喺晒《娛果》
http://fb.com/appledailyent