中超周日上演第二輪比賽，有港腳法圖斯嘅貴州恆豐主場迎戰河北華夏幸福，成場比賽相當多話題。其中最有趣嘅，就喺踢到50分鐘，雙方球員喺角球旗位置爭波，令到角球旗枝杆斷咗，比賽因為咁停咗6分鐘。最過癮係，竟然要河北主將阿根廷前鋒拿維斯出手整角球旗。

唔知係咪因為等工作人員等得太耐，鏡頭所見，拿維斯同埋貴州嘅外援馬里奧蘇亞雷斯唔知邊到搵到膠紙，兩位逗緊年薪過千萬人仔嘅球員，自己落手去整角球旗，真係只有中國先做到。而一月先加盟河北嘅馬斯真蘭奴就因為比賽停咗6分鐘而相當無奈。小馬哥，呢度係咁架喇，你初黎報到未慣。

比賽另一個有趣話題，就係勁用VAR。成場波5個入球，居然有3個入球需要VAR協助執法，係少咗誤判嘅，不過場波就支離破碎，最後仲需要補時9分鐘。但亦因為補時，拿維斯成功絕殺貴州，以3:2贏波。但河北嘅教練，前曼城領隊柏歷堅尼就表明，用var應該有個限度，最好就有限額咁話。

------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1