今日44歲正日生日嘅蔡少芬，早幾日兩個囡囡張楚兒(湯圓)同張信兒(包子)因為發高燒，搞到媽咪擔心又疼心(新聞連結： http://bit.ly/2jzWrDQ )。依家囡囡已經好番晒，喺大陸拍緊戲嘅老公張晉，又專登落嚟香港陪老婆慶祝生日，壽星女當然開心。

啱啱蔡少芬就喺微博貼相，有一家四口錫錫相，仲有蔡少芬一班好朋友，洪欣同老公張丹峰、朱茵、陳法蓉、經理人為佢慶祝生日。

蔡少芬就留言同自己講：「蔡少芬，我祝福你，又大一歲，感恩有家人愛，朋友愛，粉絲愛！，美麗。。內心外表！良善。。行為！能榮神益人！PS：愛你們啊！」 陳法蓉亦有轉貼老友Po，搞笑留言祝佢「福如東海！壽比南山！」