年屆41歲嘅林志玲，身為台灣第一名模，大家除咗關心佢嘅事業，都好擔心佢嘅感情生活，仲係單身嘅佢，幾時先搵到真命天子？最近佢同李治廷因為合作大陸嘅綜藝節目《花樣姐姐》，而傳出姊弟戀，李治廷仲叫林志玲做「妻子」添！

講到同李治廷傳出姊弟戀，林志玲就話同佢只係好朋友，但係聽到李治廷叫佢做「妻子」，都依然好鬼sweet喎！原因好簡單啫，一個女人最想都係搵到一個好歸宿，但係對上一次有人叫佢做「妻子」，都已經係15年前喇！

數數手指，言承旭係01年憑《流星花園》走紅，翌年就比傳媒影到佢同林志玲約會，拍拖睇戲，今次林志玲漏口風，話15年前有人叫佢做「妻子」，令人懷疑叫佢「妻子」嗰個人係咪言承旭！