當年今日
關於我們

【洪永城公開示愛】唐詩詠開綠燈直認有發展空間

蘋果日報 2015/01/28 06:00

蘋果示愛拍拖洪永城唐詩詠情人節旅行即時

唐詩詠今晚喺九展出席一個虛擬貨幣頒獎禮,同場仲有新人丁悅等,今晚詩詠係性感出席,講到洪永城日前公開向佢示愛,仲已經發動攻勢,問佢係咪有咁嘅事,佢直言:「係」咁係咪好冧?佢就好似有啲失魂咁話:「係嘅,佢份人同佢啲節目一樣好有驚喜,好有正能量,喺係需要時遇到一個正能量嘅人好開心,好陽光。」

問到對方係咪合附條件?詩詠話:「我都好鐘意陽光男同埋旅行。」記者問佢哋一齊咗幾耐?詩詠窒咗一窒:「多謝佢一直比驚喜我,但我仲好需要空間。」係咪因為「不要驚動愛情」?佢話:「其實都係噚日先聽到咁講(示愛)。」係咪有發展空間?佢話:「有嘅。」咁究竟差啲咩?係咪女性要矜持啲?佢笑言記者了解女仔心情,又話知道呢個消息之後嚇親。

講到洪永城話情人節會約佢出去,問詩詠係咪同佢一齊過?佢話:「嘩,如果我講咗好多人(記者)等我,容後再說,其實都想有個人陪環遊世界。」