田蕊妮胞兄日前被警員誤以為懷有手槍，遭截停的士搜查，田蕊妮前晚打電話往商台投訴警員處事失當，指他們黐線並破口大罵，更失控至哭起上來。

田蕊妮任職捽碟DJ的三十一歲胞兄，大前日凌晨被警員誤以為身懷手槍，而遭探員截停的士搜查，更將他按在地上搜身，雖然並無搜獲手槍，但田蕊妮的胞兄卻被帶返警署錄口供，他前日更打電話往商台《風波裡的茶杯》投訴，謂警方並沒就此事向他道歉。
前晚田蕊妮亦就此事，打電話給她男友杜汶澤有份主持的商台節目《嘩嘩嘩！打到嚟！》投訴，田蕊妮不但聲嘶力竭破口大罵警員處事極之不當，更一度情緒失控至落淚。

表示已充份合作
田蕊妮說：「如果啲差人話畀我聽，係我阿哥樣衰，懷疑佢身上面有槍，OK，你已經扯咗佢落車，由一打開車門開始，我阿哥已經高度合作。但係你知唔知佢哋直情荒謬到，我阿哥已經好驚，但係啲差人重問佢點解咁驚，你做過啲乜嘢，你話佢哋係咪黐線！
「我阿哥唔係預備咗啲差佬會搵佢，佢之前唔係做過啲乜嘢事，之後重好笑，佢喺條街度不停喝我阿哥，不停用粗口問候佢阿媽，跟住搜完身，結果冇嘢搜到，啲差人話：『帶佢返差館！』差人連個電話都唔畀番我阿哥，我真係唔明因乜嘢事先？」

投訴科接手調查
田蕊妮續說：「我阿哥到𠵱家都唔知發生乜事，如果你搜到佢身係冇嘢，我唔使你同佢講對唔住，但係有禮貌啲對佢得唔得？」
田蕊妮更表示當其兄在鄭經翰的電台節目《風波裡的茶杯》投訴後，即收到警察投訴科的電話要求了解當日的情況，而鄭經翰更即時為其兄安排心理輔導，而田蕊妮對鄭經翰表示感謝。