當年今日
關於我們

【富豪船P惹是非】江嘉敏與馮盈盈姊妹情割席 疑開火:知人口面不知心

蘋果日報 2020/06/09 11:50

馮盈盈江嘉敏

【新增回應】
現年25歲的馮盈盈早前與10A醫生男友Martin結束4年情,有傳極速撻着大台爆肌主播鄭衍峰(Leonard),身邊不乏裙下之臣,之不過盈盈卻喜歡在IG晒閨密情,見她不時約江嘉敏結伴外出,據知二人拍大台劇《果欄中的江湖大嫂》成為好姊妹,由於二人是同齡,性格熱情開朗,相處十分投契,但近期姊妹情卻起暗湧。
事緣馮盈盈被爆與何猷亨前後腳上億元豪華遊艇開P,在船上眉來眼去,雖然馮盈盈已否認戀情,卻被外界指她釣金龜,馮盈盈一度搵江嘉敏做「擋箭牌」,江嘉敏又借玩Wakesurf稱「係咁畀人拖落水陰功」,似有弦外之音,又強調自己沒做媒人,爆出猷亨與她們之前食過飯,馮盈盈與猷亨早已認識,反指是馮盈盈請她去船P,二人各執一詞,令事件爆出羅生門。
江嘉敏前晚忽然在IG貼出單人照,稱生活根本就係一場狼人殺,「根本唔知邊個講緊真話邊個講緊大話,亦都唔知邊個係狼人邊個先係村民」,指自己因為聽到一些不應該聽到的說話,忽然有感而發,她續道:「其實世界好細,說話唔能夠亂講尤其係大話,人言可畏,真係知人口面不知心。」究竟她口中「講緊大話」、「知人口面不知心」的人是否講好姊妹馮盈盈呢?!
對於被指和好姊妹馮盈盈反目及割席,江嘉敏回應傳媒表示:「唔想再回應啲唔係事實嘅嘢,成日亂咁寫呀,冇事都變有事啦!」
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
empty
empty
江嘉敏前晚忽然在IG稱生活根本就係一場狼人殺,「根本唔知邊個講緊真話邊個講緊大話」。(IG圖片)
empty
究竟她口中「講緊大話」、「知人口面不知心」的人是否講好姊妹馮盈盈呢?(IG截圖)
empty
據知江嘉敏與馮盈盈拍大台劇《果欄中的江湖大嫂》成為好姊妹。(IG截圖)
empty
雖然馮盈盈已否認戀情,卻被外界指她釣金龜。
empty
(馮盈盈IG截圖)