【台灣宣傳新碟】黃妍愛上當地美食 想喺香港開蛋餅店
蘋果日報 2019/09/14 15:50
莊正黃妍台灣
（攝影：羅慧敏）
歌手黃妍與師弟莊正，今天到鑽石山為歌唱比賽擔任嘉賓，黃妍剛從台灣回港，她說：「去咗台灣兩星期，係為新碟同10月九展嘅演唱會宣傳，好開心首張大碟有機會到台灣市場，去到當地進行密集式活動，返到嚟病咗，不過係好開心嘅，面向觀眾會上晒電，試過一日跑10幾個鐘，由朝早1點做嘢做到夜晚12點，密密做7、8個活動，係好開心、好好玩。」
黃妍又爆在台灣除了宣傳，更愛上當地美食，她說：「去到網台做綜藝節目，一路食地道美食一路做訪問，今次係我去台灣咁多次食得最多款式食物嘅一次，但係我最鍾意係台灣嘅蛋餅，每朝早都要食，一路化妝一路食，真係好想學吓點整，喺香港都開一間蛋餅店。」問到有否增磅？她說：「有呀！返到屋企即刻上磅，肥咗0.5kg，其實每日食完早餐就到去夜市先再食，一日兩餐，最重要係我要為演唱會準備，唔可以食得太過份，而家積極練歌，同時學緊一樣技藝，但就唔會係跳舞，希望大家見到另一面嘅我，我都好期待。」
採訪、攝影：羅慧敏
黃妍（左）與師弟莊正，今日到鑽石山為歌唱比賽擔任嘉賓。
剛從台灣回港的黃妍，發現自己胖了0.5kg。