有女萬事足嘅張嘉兒為圈外老公Nathan生嘅囡囡劉在芯（Leora）已一歲多，張嘉兒湊女都親力親為，全部由零開始，佢不時喺社交網分享湊B樂，Leora笑容甜美。

張嘉兒為咗帶俾大家健康嘅訊息，除咗喺社交網貼文分享育兒心得，佢噚日仲參加咗《親子愛「識」捐血日》，嘉兒仲帶埋囡囡支持。佢話呢次同兩位媽咪一齊幫手籌備，其中一位母親家屬患有血癌，佢哋想透過呢個活動，呼籲大家捐血時可以做埋捐血幹細胞，只要多捐5毫升血就可以，張嘉兒今日接受《蘋果》電話訪問時話：「我哋活動上同參與嘅家庭講故事同玩遊戲，用紅豆代表紅血球，乒乓球代表白血球，又教小朋友一啲同血有關常識，希望社會多關注捐血，o依家血庫乜血球都缺貨，大家損血時可以捐埋血幹細胞，多捐血5cc就得，俾入院麻醉捐骨髓簡單啲。」

問到張嘉兒近日湊女趣事，佢話：「囡囡近排去街，好鍾意自己去鞋櫃度攞鞋，自己學着鞋出街，有次佢試過返到屋企門口掹住唔肯入屋，因為佢想繼續出街。」

更多娛聞，喺晒《娛果》
http://fb.com/appledailyent