編委Ben在金鐘被水炮車射中，全身變藍，呼吸開始急速，四肢麻痹，那時根本沒示威者在場，只有記者站在夏愨道兩旁，他則站在巴士站位置，「佢哋就係敵視所有記者，好多行家都中晒。鏡頭捕捉到濫捕行為，佢哋就用盾推我哋，向我哋瞄準發射」。他對水炮車射出的化學水有過敏反應，全身刺痛致換氣過度，差點有性命危險。

他是香港恒生大學編委會的成員，從9月開始到抗爭現場報道，除中水炮車以及有不同類型的彈擦身而過外，最深刻的還是被速龍近距離襲擊。在一個沒有示威者的空間中，警方防線突然推前，「速龍用槍指住我哋，趕我哋退後，一個速龍突然從隊中走出，我當時用手機拍片，佢無端端打跌我電話！」

8.31維園附近有卧底警被示威人士發現，警員繼而開槍，恒大編委成員一直尾隨並拍攝到整個過程。在現場這幾個月間，編委Cyrus觀察到警方越益失控的情緒，經常對着全無裝備的市民叫囂「暴徒扮街坊」，「佢哋覺得全港市民都要襲擊佢哋咁，壓力大唔係使用暴力嘅藉口」。

在防線前記者最經常聽到的除了「賞花杏仁露（上返行人路）」，就是「淨係影我哋，你唔影啲暴徒」，所有校媒記者都提及這一點，所有人都指：「我哋兩邊都有影。」編委Kelvin搖着頭說：「影警方係因為佢哋手握公權力，情緒咁唔穩定嘅人但手握大殺傷力武器真係好危險。」他認為，「鏡頭係中立嘅，片段出現警暴畫面，就係因為鏡頭前有人做出來」。