今日（11日）賽事就喺沙田舉行十場比賽，其中六場就係有泥有草、同有長有短嘅賽事，除咗全日最長嘅第4場2200米賽事由蘇偉賢馬房特獎近乎包尾殺上贏馬外，其餘五場賽嘅頭馬都係前段守前列位置勝出，跑道如今形勢咁利前置，冇理由各馬迷偏揀後追馬，倒自己米！另外，今日將不會進行壓地，睇怕利前置形勢會繼續。

騎師方面，潘頓今日完全不受外界對佢早前騎法嘅批評所影響，場場都搏盡，似乎想挽回其冠軍級別騎師嘅名譽，先聲奪人取得2W1P，而且受惠於祈普敦傷出，於第10場多獲「美麗寶寶」成為佢嘅座騎，故餘下4場都有馬騎，各馬迷值得留意。