第二輪「Citibankx投資王擂台賽」星級玩家首兩名嘅祝文韜同鄧建初，要小心啦！因為昨日提及嘅黑馬郭家耀開始真正發力，繼日前扑中利記（637）後，今日又裨佢喺2.3元水平買入TOM集團（2383），該股尾市衝得好勁，由此可見郭家耀有眼光之餘又有吉士，因為2.3元都係近期的高位。雖然郭家耀仲係排第三，但最新資產總值436.2萬元，增長45.41%，絕對有條件過首兩名。