曾經因為出版禁書而被內地拘留的銅鑼灣書店前店長林榮基，預告或在修例通過前離開香港，他今日亦有參與遊行。林指港人若至今都「唔出聲」，「你即係將自己置於一個毫無保障嘅境地，大家都知道，大陸係無法治可言，我自己都經歷過，可以困咗我8個月，我未見過法官，咁你甚至拍好多所謂（認罪）視頻呢，我都拍過成7、8次。佢（內地）所謂認罪，可以係唔需要法庭或者證據，佢話你係就係」。

對於保安局局長李家超至今未正面回應修例後會否引渡他返內地，林榮基說：「李家超佢打工㗎之嘛，打工嘅點可能代老闆話事？甚至依家香港特首都係打工之嘛，我哋點信得過佢啲承諾？最慘係老闆自己都無承諾。80年代佢（中國）加入世貿，十項嘅承諾，九項都違反，佢應承咗香港人有選舉權，依家有無？有我哋唔使企出嚟啦！」

林榮基認為修例影響的不僅他一人，形容自己已算較「幸運」，因知道正被大陸政府以「違法經營書籍銷售罪」通緝，指若有港人不知道自己被內地通緝，外遊時突然因今次修例被告之不能出境，人身自由將嚴重被影響，情況就如孟晚舟在加拿大被捕時一樣。林又指反對今次修例更重要是為了香港下一代的人身自由，「相當多嘅香港人仲留喺（香港）呢度生活，咁下一代點算？依家啲學生點？你香港政府係保障唔到」。他指大陸政府近年對港管治越來越嚴厲，香港原有生活、言論和思想自由不斷被剝奪和侵蝕。

對於政府剔除部份可移交罪行，林榮基認為無作用，因為最重要是大陸沒有法治可言。他稱仍在思考修例後可到何處生活？目前有數個地方選擇，包括美國和德國，因為上述國家較重視人權，另一考慮地點暫不便透露，「呢個（修例）係對我無保障，唔係我唔想返嚟（香港），我亦都唔想離開香港，但依家對我毫無保障下，我點可以仲喺香港生活？」

-----------------------------
免費訂閱《蘋果動新聞》， 無懼霸權橫行！立即登記！
https://hk.adai.ly/bXz2v29BrV
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV