長康邨昨晚爆出疑似「淘大2.0」感染，附近居民人人自危。在康美樓正對面的長康二期商場，今早多間商舖均暫停營業。地下酒樓貼出告示稱由於疫情非常嚴峻，為保障員工及客人健康而從今起停業14天。樓上的萬寧亦沒有開舖，多名市民甚至萬寧送貨人員皆不知情，在門口等候多時無功而返，相信為緊急決定，僅餘的食店亦只有少量客人。而在康美樓附近的街市亦冷冷凊清，只有少數菜檔和雜貨店照常營業。

家住長青邨青槐樓的李先生，雖然在長康邨隔鄰，但他坦言「唔係好驚，冇得驚，依家話擴散空氣傳染，除非唔出街，就算喺屋企都可以吹入嚟。」他因為要向家住長康邨康美樓的友人交還東西，所以要到長康邨的停車場，他的友人正正需要送往隔離營。「佢話昨晚有人上嚟拍門，通知佢渠位有影響可能會受感染，初初未知要唔要走，後來先確定要去隔離營。我朋友應該成晚冇瞓。」

李先生指暫無考慮離開家園，「全港個個區都有，呢度唔算多大陸人，始終呢度係老區，我住喺青衣都33年，對比沙士，依家嚴重好多，嗰時我喺鬧市返工都冇戴過口罩。」被問到有否檢查渠口位置，他表示數年前大廈曾翻新過，「就算有都避唔到。」
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568