當年今日
關於我們

【亞視翻生】上月離開大台 黃德斌:希望有唔同嘅合作機會

蘋果日報 2017/12/19 15:36

黃德斌羅家英岑日珈西謊遊記之唐僧踩錯界

羅家英、黃德斌、岑日珈、衛詩雅、麥長青、張松枝等今日喺旺角為新戲《西謊遊記之唐僧踩錯界》開鏡,露長腿嘅岑日珈透露喺戲中飾演黑幫大佬嘅情婦,需要着高叉裙兼露膊,之後仲有場同張松枝嘅床戲。
講到岑日珈曾患有強迫焦慮症,佢表示現時情況已好番好多。對於韓國男團SHINee成員鐘鉉疑因抑鬱症而燒炭自殺,佢話:「噚日睇到新聞,有種好酸嘅感覺,我曾經有刻嘅念頭想乜都唔理,瞓一個長覺,但幸好有屋企人鼓勵同陪伴,我都明白係一秒之間,能夠衝破嗰刻困境就唔會有事,其實諗番起自己好幸福,感恩現在。」
上月離開無綫嘅黃德斌,現時積極投入新工作,佢表示o依家可以做啲自己想做嘅嘢:「喺呢部戲,我演一個過氣嘅江湖大佬,要撚化家英哥。」對於亞視翻生,佢話:「希望有唔同嘅合作機會。」佢透露月尾會到上海演出一個跨年嘅舞台劇。家英哥就笑話:「德斌成日都撚化我,我同佢之前冇合作過,但有人叫我小心啲,因為德斌好好戲,我要睇熟劇本。」家英哥仲話喺戲中飾演唔使爆粗嘅過氣大佬「唐三哥」,佢笑住話:「我要吟詩。」而家英哥仲透露會同老婆汪明荃去澳門過聖誕。
此外,衛詩雅喺片中飾演純潔嘅蜘蛛精色誘「唐三哥」,不過最後都唔成功,佢自嘲:「我呢個身材,都裝唔出乜嘢啦!」
更多娛聞,喺晒《娛果》
http://fb.com/appledailyent
empty
對於亞視翻生,黃德斌話都想有唔同嘅合作機會。
empty
攝影:葉君海
empty
岑日珈對於韓國男團SHINee成員鐘鉉自殺身亡,感到好心酸。
empty
羅家英話聖誕同阿姐去澳門。
empty
衛詩雅
empty
張松枝
empty